ރިސަރޝް އެންޑް މޮނިޓަރިން ޑިޕާޓްމަންޓްގެ މައްސޫލިއްޔަތުގެ ތެރޭގައި ހިމެނެނީ، އިންސާނީ ޙައްޤުތަކާ ގުޅޭ ބައިނަލްއަޤްވާމީ އަދި ސަރަޙައްދީ އެކިއެކި މުޢާޙަދާތަކާއި އެއްބަސްވުންތަކުގައި، ރާއްޖެ ބައިވެރިވުމުގައާއި، އެފަދަ މުޢާހަދާތަކާއި އެއްބަސްވުންތައް ރާއްޖޭން ތަޞްދީޤު ކުރުމުގައި، ސަރުކާރަށް މަޝްވަރާއާއި ލަފާ ދިނުމާއި، ހުށަހަޅަންޖެހޭ ހުށަހެޅުންތައް ސަރުކާރަށް ހުށަހެޅުމާއި، އިންސާނީ ޙައްޤުތަކާ ބެހޭގޮތުން ކުރަންޖެހޭ ދިރާސާތައް ކުރިއަށްގެންދިއުމެވެ. އަދި ހިޔުމަން ރައިޓްސް ކޮމިޝަންގެ ޤާނޫނު (ޤާނޫނު ނަންބަރު: 2006/6)އަށް ގެނެވުނު ދެވަނަ އިސްލާހު (ޤާނޫނުނަންބަރު:2020/19) ގެ ދަށުން އިންސާނީ ޙައްޤުތަކަށް ޙުރުމަތްތެރިކޮށް ހިތާ މިންވަރު ބަލައި މޮނިޓަރކޮށް ވަޒަންކުރުމުގެ ގޮތުން ކޮމިޝަންގެ ޤާނޫނުގެ 20 (ވިހި) ވަނަ މާއްދާގައި ބަޔާންކޮށްފައިވާ ކަންކަމުގެ މައްޗަށް ހިއުމަން ރައިޓްސް ރިޕޯޓެއް އެކުލަވައިލައި ޝާއިރުކުރުމެވެ.

ހަމައެހެންމެ، ދިވެހިރާއްޖޭގައި ކުރިއަށްގެންދާ އިންތިޚާބުތައް އިންސާނީ ޙައްޤުގެ ނަޒަރުން މޮނިޓަރ ކުރުމުގެ ގޮތުން ކުރަންޖެގޭ އެންމެހާ މަސައްކަތްތައް ރާވައި ހިންގުމާއި، މޮނިޓަރިންގ މަސައްކަތްތަކުން ފާހަގަވާ މައްސަލަތައް ދަޢުލަތުގެ ކަމާގުޅުންހުރި މުއައްސަސާތަކުގެ ސަމާލުކަމަށް ގެނައުމާއި، އަދި މި ނޫންވެސް އިންސާނީ ޙައްޤުތައް ޙިމާޔަތްކުރުމަށްޓަކައި ކޮމިޝަނުން ނިންމާ އެންމެހާ ކަންކަން ރާވައި ހިންގައި އަދި ކޮމިޝަންގެ އެހެނިހެން ފަންގްޝަންތަކުން އިންސާނީ ޙައްޤުތައް ރައްކާތެރިކޮށް ކުރިއެރުވުމަށްކުރާ މަސައްކަތަކުގައި ބައިވެރިވެ އެއްބާރުލުންދިނުމަކީވެސް ރިސަރޗްއެންޑް މޮނިޓަރިންގ ޑިޕާޓްމަންޓްގެ މަސައްކަތްތަކުގެ ތެރޭގައި ހިމެނޭކަންކަމެވެ.