އެޑްވޮކަސީ ޔުނިޓްގެ މައިގަނޑު މަސައްކަތަކީ ހިއުމަން ރައިޓްސް ކޮމިޝަނުގެ ޤާނޫނުގެ 20 ވަނަ މާއްދާގެ (މ) ގައިވާ ގޮތުގެ މަތިން އިންސާނީ ޙައްޤުތަކާ ގުޅޭ ގޮތުން ދިވެހި ރައްޔިތުންނާއި ރާއްޖޭގައި ދިރިއުޅޭ އެހެނިހެން މީހުންގެ މެދުގައި ހޭލުންތެރިކަން އިތުރުކުރުވައި، އެ ޙައްޤުތަކަށް ހުރުމަތްތެރިކޮށް ހިތުމުގެ ރޫޙު އާލާކުރުމުގެ މަސައްކަތް ކުރުމެވެ. އަދި އިންސާނީ ޙައްޤުތަކަށް މަސައްކަތްކުރާ މަދަނީ ޖަމުޢިއްޔާ ޖަމާޢަތްތަކާ ގުޅިގެން އިންސާނީ ޙައްޤުތައް ކުރިއަރުވަން މަސައްކަތް ކުރުމަކީ އެޑްވޮކަސީ ޑިޕާޓްމަންޓުން ވަރަށް އިސްކަމެއް ދީގެން ކުރަމުން އަންނަ މަސައްކަތެކެވެ.