ހިއުމަން ރައިޓްސް ކޮމިޝަން އޮފް ދަ މޯލްޑިވްސްއިން އިސްނަގައިގެން އިންސާނީ ޙައްޤުތަކަށް ހޭލުންތެރިކޮށް އަހުލުވެރި ކުރުވުމުގެ މަޤްޞަދުގައި ބޭއްވޭ މިއަހަރުގެ ކުއިޒް މުބާރާތުގައި ބައިވެރިވުމުގެ ފުރުސަތު މިހާރު ވަނީ އާންމުކޮށް ހުޅުވާލެވިފައެވެ.

މި މުބާރާތަކީ ދައުލަތުގެ މުއައްސަސާތަކުގެ މުވައްޒަފުންނާއި، ޔުނިވަރސިޓީ އަދި ކޮލެޖްތަކުގެ ފެކަލްޓީތަކުގެ ދަރިވަރުން އިންސާނީ ޙައްޤުތަކަށް ހޭލުންތެރިކޮށް އަހުލުވެރިކުރުވުމުގެ މަޤްޞަދުގައި ކޮމިޝަނުން އިންތިޒާމުކުރާ މުބާރާތެކެވެ. މި މުބާރާތް ކުރިއަށް ގެންދިއުމަށް ތާވަލުކުރެވިފައިވަނީ 2026 އޮކްޓޯބަރ 13 އިން 17 ގެ ނިޔަލަށެވެ.

މުބާރާތުގައި ބައިވެރިވާން އެދޭ ފަރާތްތަކުން 2026 ސެޕްޓެމްބަރ 24 ވާ ބުރާސްފަތި ދުވަހުގެ 14:00 ގެ ކުރިން ގުޅޭނެ ފަރާތުގެ ނަމާއި، ފޯނު ނަންބަރު އަދި އީމެއިލް އެޑްރެސް ހިމަނައި މި ކޮމިޝަނުގެ އީމެއިލް [email protected] އަށް ފޮނުއްވުން އެދެމެވެ. މި މުބާރާތާ ގުޅޭގޮތުން އިތުރު މަޢުލޫމާތު ސާފުކުރައްވަން ބޭނުންފުޅުވާ ފަރާތްތަކުން މި ކޮމިޝަނުގެ ފޯނު ނަންބަރު 3003164 އަށް ގުޅުއްވުމަށް ދަންނަވަމެވެ.