ސިވިލް ސޮސައިޓީ އޯގަނައިޒޭޝަން (ސީ.އެސް.އޯ) ތަކަކީ ހިއުމަން ރައިޓްސް ޑިފެންޑަރސް (އެޗް.އާރު.ޑީ) ގެ ގޮތުގައި އިންސާނީ ޙައްޤުތަކުގެ އެކި ދާއިރާތަކުން އެ ޙައްގުތަކަށް ވަކާލާތުކޮށް ޙައްޤުތައް ރައްކާތެރިކުރުމުގައި މުހިންމު ދައުރެއް އަދާކުރާ ފަރާތްތަކެކެވެ. އެހެންނަމަވެސް, މިފަދަ ޖަމްޢިއްޔާތަކަށްވެސް އެފަރާތްތަކުގެ ދައުރު އަދާކުރުމުގައި, ގިނަ ގޮންޖެހުންތަކެއް ކުރިމަތިވެއެވެ. އެފަދަ ގޮންޖެހުންތަކުން އަރައިގަނެ, ޙައްލު ހޯދުމަށްޓަކައި, ސަރުކާރުގެ އިދާރާތަކާއި، މަދަނީ ޖަމިއްޔާތަކާއި، ބައިނަލްއަޤްވާމީ ޖަމާޢަތްތަކާ އެކު ބަދަހި ގުޅުންތަކެއް ޤާއިމް ކުރަން ޖެހެއެވެ.

ސީއެސްއޯތަކަށް ކަނޑައަޅާފައިވާ ގާނޫނީ އަދި ރައްކާތެރިކަމުގެ ފިޔަވަޅުތަކާ ގުޅޭގޮތުން ސަރުކާރުގެ ކަމާ ގުޅުންހުރި ދެ މުއައްސަސާ ކަމަށްވާ މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އާއި, މޯލްޑިވްސް ޕޮލިސް ސަރވިސްގެ އިތުރުން، ދުނިޔޭގެ ފެންވަރުގައި އެޗްއާރުޑީ ޕްރޮޓެކްޝަން މެކޭނިޒަމްތަކުގައި އެންމެ ރަނގަޅު އުސޫލުތައް އޭޝިއާ ޕެސިފިކް ފޯރަމް (އޭ.ޕީ.އެފް) އާ ގުޅިގެން މި ފޯރަމުގައި މަޝްވަރާ ބަދަލު ކުރެވިގެން ދިޔުމުގެ ސަބަބުން ސިވިލް ސޮސައިޓީ އޯގަނައިޒޭޝަންތަކުން އަދާކުރަމުން ގެންދާ މުހިންމު ދައުރު އިތުރަށް ހާމަވެ, ގިނަ ޙައްލުތަކެއް ދެނެގަނެވި މިހާރު ދިމާވާ ގޮންޖެހުންތަކަށް ޙައްލުތަކެއް ލިބިގެންދާނޭ ކަމުގައި އެޗްއާރުސީއެމުން އުންމީދު ކުރެއެވެ.