"އެޗް.އާރު.ސީ.އެމް – ސީ.އެސް.އޯ ޕާޓްނަރޝިޕް ފޯރަމަކީ" ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗް.އާރުސީ.އެމް) އިން ޑިސެމްބަރު 2023 ން ފެށިގެން ކުރިޔަށް ގެންދާ ޕްރޮގްރާމެކެވެ. މި ޕްރޮގްރާމްގެ މައިގަނޑު މަޤްސަދަކީ ކޮމިޝަނާއި ސިވިލް ސޮސައިޓީ އޯގަނައިޒޭޝަން (ސީ.އެސް.އޯ) ތަކާ އޮންނަ ގުޅުން ބަދަހިކޮށް ދެމެހެއްޓެނިވިގޮތެއްގައި، ދެފަރާތުން ގުޅިގެން މަސައްކަތް ކުރެވޭނެ ހަރުދަނާ މާޙައުލެއް ޤާއިމްކޮށް އިންސާނީ ހައްޤުތަކާއި ގުޅުންހުރި ކަންކަމާ މެދު ފުޅާ ދާއިރާއެއްގައި މަޝްވަރާކުރުމެވެ. އެގޮތުން ފޯރަމްގެ މައުޟޫއާއި ގުޅޭ ދައުލަތުގެ ކަމާގުޅޭ މުއައްސަސާތަކުންވެސް މަންދޫބުން ބައިވެރިވެއެވެ. މިފަހަރުގެ ފޯރަމްގެ މައުޟޫއަކީ "ބަދަލުވަމުންދާ މޫސުމީ ހާލަތުގައި ހައްގުތައް ރައްކާތެރިކުރުން: ވިޔަފާރި، ތިމާވެށި އަދި ޖަވާބުދާރީވުން" މިއެވެ. ފޯރަމްގައި ކުރިއަށް ގެންދެވުނު ބައިތަކުގެ ތެރޭގައި އިންސާނީ ޙައްޤުތަކުގެ ތައާރަފް، ސާފުވެއްޓެއްގައި ދިރިއުޅުމެއް އުޅުމުގެ ޙައްޤު، ވިޔަފާރި އާއި އިންސާނީ ޙައްޤު، މާހައުލަށް އަންނަ ބަދަލުތަކާމެދު ހޭލުންތެރިކުރުވުމުގެ އިތުރުން 2026 ވަނަ އަހަރުގެ ޕްލޭންތަކާއި ގުޅޭ ގޮތުން ފުޅާ ދާއިރާއެއްގައި މަޝްވަރާ ކުރެވުނެވެ.

ލޯންގް ޓާމް ސްޓްރެޓެޖީގައި ހިމެނިފައިވާ ބައެއްގެ ގޮތުން، އެޗްއާރުސީއެމްއިން ސިވިލް ސޮސައިޓީ އެންގޭޖްމަންޓް އެންޑް ކެޕޭސިޓީ ބިލްޑިންގ ސްޓްރެޓެޖީ ތަންފީޒުކުރަމުން ގެންދެއެވެ. ކުރިއަށް އޮތް ފޯރަމްތަކުގައި ތީމެޓިކް ދާއިރާތަކަށް އިތުރަށް ފުންކޮށް ބަލައި، އެޗްއާރުސީއެމްއާއި ސީއެސްއޯތަކުގެ ގުޅުން ވަރުގަދަ ކޮށް، ރާއްޖޭގައި އިންސާނީ ޙައްޤުތަކަށް ދެމެހެއްޓެނިވި ގޮތެއްގައި ކުރިއެރުވުމަށް މަސައްކަތްތަކެއް ކުރެވިގެންދާނެއެވެ.