އެޑްވަކަސީ ޑިޕާރޓްމަންޓްގެ މަސައްކަތްތައް ކުރަނީ 2 ޔުނިޓަކަށް ބަހާލައިގެންނެވެ. އެއީ، އެޑްވަކަސީ ޔުނިޓް، އަދި މީޑިއާ އެންޑް ޕަބްލިކް ރިލޭޝަންސް ޔުނިޓެވެ.

އެޑްވޮކަސީ ޔުނިޓްގެ މައިގަނޑު މަސައްކަތަކީ ހިއުމަން ރައިޓްސް ކޮމިޝަނުގެ ޤާނޫނުގެ 20 ވަނަ މާއްދާގެ (މ) ގައިވާ ގޮތުގެ މަތިން އިންސާނީ ޙައްޤުތަކާ ގުޅޭ ގޮތުން ދިވެހި ރައްޔިތުންނާއި ރާއްޖޭގައި ދިރިއުޅޭ އެހެނިހެން މީހުންގެ މެދުގައި ހޭލުންތެރިކަން އިތުރުކުރުވައި، އެ ޙައްޤުތަކަށް ހުރުމަތްތެރިކޮށް ހިތުމުގެ ރޫޙު އާލާކުރުމުގެ މަސައްކަތް ކުރުމެވެ. އަދި އިންސާނީ ޙައްޤުތަކަށް މަސައްކަތްކުރާ މަދަނީ ޖަމުޢިއްޔާ ޖަމާޢަތްތަކާ ގުޅިގެން އިންސާނީ ޙައްޤުތައް ކުރިއަރުވަން މަސައްކަތް ކުރުމަކީ އެޑްވޮކަސީ ޑިޕާޓްމަންޓުން ވަރަށް އިސްކަމެއް ދީގެން ކުރަމުން އަންނަ މަސައްކަތެކެވެ.

ޕަބްލިކް ރިލޭޝަންސް އަދި މީޑިއާގެ ޔުނިޓްގެ މައިގަނޑު މަސައްކަތްތަކަކީ އާންމުން ކޮމިޝަނަށް ކުރާ އިތުބާރާއި ކޮމިޝަނާ ދޭތެރޭ ދެކޭގޮތް ރަގަޅު ކުރުމަށް މަސައްކަތްކުރުމާއި، އިންސާނީ ހައްގުތަކާއި، ކޮމިޝަނުން ކުރާ މަސައްކަތްތަކާއި ގުޅޭ މައުލޫމާތު މީޑިއާ، ސޯޝަލް މީޑިއާ، އަދި ކޮމިޝަންގެ ވެބްސައިޓް މެދުވެރިކޮށް އާންމުންނަށް ފޯރުކޮށްދިނުމާ، އަދި މީޑިއާގެ ޒަރީއާއިން ފަތުރާ އިންސާނީ ހައްޤުތަކާއި ގުޅުންހުރި ޚަބަރުތައް އަދި ކޮމިޝަނާ ގުޅުންހުރި ޚަބަރުތައް މޮނިޓަރކޮށް ކޮމިޝަނުގެ ސަމާލުކަމަށް ގެނައުމެވެ.