2014 ވަނަ އަހަރުގެ ޑިސެމްބަރ މަހުގެ 21 ވަނަ ދުވަހު އައްޑޫ ސިޓީގެ ހިތަދޫގައި ސަދަރން ރީޖަނަލް އޮފީހެއް ގާއިމުކުރުމގް މަޤްސަދުގައި ތެރޭގައި ހިމެނެނީ ކޮމިޝަނުގެ މަސައްކަތްތައް އިތުރަށް ފުޅާކޮށް ރައްޔިތުންނާއި ވީހާވެސް ގާތުން ހިދުމަތް ފޯރުކޮށްދިނުމާއިއެކު، ހިއުމަން ރައިޓްސް ކޮމިޝަނުގެ ޤާނޫނުގެ 20 ވަނަ މާއްދާގައި ބަޔާންކޮށްފައިވާ މަސްއޫލިއްޔަތުތައް އަދާކުރުމެވެ. މިގޮތުން އިންސާނީ ހައްޤުތަކާ ގުޅުންހުރި ޤާނޫނީ ނިޒާމު ހަރުދަނާ ކުރުމާއި އިންސާނީ ހައްޤުތަކާ ގުޅުންހުރި މައްސަލަތައް ބެލުމާއި، އިންސާނީ ހައްޤުތަކަށް އިހްތިރާމްކުރުމުގެ ސަގާފަތެއް ޤާއިމުކުރުމަށް މަސައްކަތްކުރުމާއި އިންސާނީ ހައްޤުތަކާއި ގުޅުންހުރި ކަންތައްތައް ހިނގާ ނުހިނގާ މިންވަރު ދެނެގަތުމެވެ. އަދި ދައުލަތުގެ މުއައްސަސާތަކާއެކު ގުޅުން ހަރުދަނާކޮށް އިންސާނީ ހައްޤުތަކާއި ގުޅުންހުރި މައްސަލަތަކުގައި ދައުލަތް ޒިންމާދާރުކުރުވުމާއި މަދަނީ މުޖުތަމައުގައި ހިމެނޭ ފަރާތްތަކާ އެކު މަސައްކަތްތައް ކުރުމެވެ.